(રાગ : શંભુ ચરણે પડી)
ગુરૂ ચરણે પડી, વિનવું ઘડી રે ઘડી
આશિષ આપો
કરૂણા કરીને હૈયે તમે સ્થાપો
હું તો ભવરણમાં ભટકી પડેલો
મદ-મોહથી ભાન ભૂલેલો
તમે પડતો ઊઠાવ્યો
મને સ્નેહે ભિંજવ્યો
આશિષ આપો
કરૂણા કરીને હૈયે તમે સ્થાપો
તમે માતા, પિતા, સખા, ભાઇ
નથી બીજી કોઇ સગાઇ
પુત્ર કુપુત્ર તો થાયે,
માવતર કમાવતર ન થાયે
ક્ષમા આપો
કરૂણા કરીને હૈયે તમે સ્થાપો
મારી નૈયાના ખેવણહારા,
ભૂલજો અવગુણ સઘળાં અમારાં
પ્રભુ, એટલું જ માંગુ
કરજ ક્યારે ચૂકાવું
શક્તિ આપો
કરૂણા કરીને હૈયે તમે સ્થાપો.