આજે આકાશને આંબતા અમે
ફૂલ - ફટાક થઇને ફરતાં અમે -
નિસરણી ઝાલીને ઊભા તમે,
તમ સહારે ઉપર ચડ્યા અમે -
ખૂબ કષ્ટો વેઠ્યા તમોએ
જિંદગીના દુ:ખોના ઝંઝાવાતો ઝીલીને
પ્રેમની આગોશમાં લપેટ્યાં અમોને
કદી ઊની આંચ ન આવવા દીધી અમોને
જિંદગીના ઝંઝાવાતોની સામે,
સ્વમાનથી ઊભા રાખ્યા તમોએ
અસહ્ય તાપમાં તપી તપીને
શીતળ છાયા ધરી અમોને
આજ તમારાં આ સંતાનો
તમે વાવેલાં વૃક્ષોનાં ફળો આસ્વાદે છે
અને સુખનો મીઠો ઓડકાર લે છે
તમારાં ઋણો ચૂકવવા જન્માંતરો ઓછાં પડશે.
ટિપ્પણીઓ નથી:
ટિપ્પણી પોસ્ટ કરો